Qeveria daneze ka informuar Këshillin për Punët e Jashtme, i cili përfshin përfaqësues të partive parlamentare, për paketën e 23-të të ndihmës ushtarake për Ukrainën, sipas Ministrisë së Mbrojtjes së mbretërisë.

“Rreth 2.1 miliardë korona (293 milionë dollarë) do të shkojnë për forcimin e aftësive të mbrojtjes ajrore të Ukrainës dhe aviacionit luftarak”, thuhet në deklaratë.

Mbrojtja ajrore e Ukrainës do të forcohet me ndihmën e ‘partnerëve ndërkombëtarë të Danimarkës’.

Për më tepër, paketa e ndihmës përfshin fonde për ‘operimin e F-16-ve ukrainas’.

Gjithashtu, në bashkëpunim me Suedinë, Danimarka do të transferojë disa automjete luftarake të këmbësorisë CV90.

Që nga shkurti i vitit 2022, ndihma ushtarake e Danimarkës për Ukrainën ka arritur në rreth 7.2 miliardë euro, ndërsa ndihma civile ka qenë rreth 693 milionë euro.

(A.A/BalkanWeb)