Një zjarr shpërtheu sot në një ndërtesë të kompanisë farmaceutike shumëkombëshe Novo Nordisk të Danimarkës, në periferi Bausvard të Kopenhagës.
“Mund të konfirmojmë se një zjarr ka shpërthyer sot në një ndërtesë të marrë me qira nga Novo Nordisk pranë selisë sonë. Zjarri është nën kontroll, policia dhe zjarrfikësja kanë shkuar në vendngjarje”, thuhet në njoftimin e farmacisë.
Në vendngjarje ndodhen forca të forta policore dhe zjarrfikëse, ndërsa nuk raportohet për të lënduar. Sipas raportimeve, në vendngjarje janë dëgjuar shpërthime të forta, ndoshta për shkak të bombolave të gazit.
Policia lokale iu përgjigj një thirrjeje zjarri në Krochsovai, Bausvard, gati 13 km në verilindje të Kopenhagës qendrore, tha policia e Kopenhagenit në një postim në rrjetet sociale X.
