TIRANE – Në mbledhjen e sotme të Komisionit të Medias, ku mori pjesë edhe opozita, deputetja e Partisë Demokratike, Albana Vokshi ka kërkuar seancë dëgjimore për kryeredaktorin e gazetës “Rilindja Demokratike”.
Ky i fundit u godit me shkop gome në kokë nga forcat e policisë gjatë një konfrontimi fizik pranë ministrisë së Brendshme në Tiranë ditën e protestës.
Deputetja e PD, Albana Vokshi, tha se gazetari Bledi Kasmi u godit me urdhër të kryeministrit.
Ajo kërkoi që të zbardhet çështja, si dhe të mbrohen gazetarët nga dhuna.
“Kërkojmë hetim menjëherë për Kasmin. Dënojmë dhunën e ushtruar ndaj fjalës së lirë,” tha Vokshi.
Të njëjtën gjë kërkoi edhe deputeti tjetër demokrat Luciano Boçi. “Të dalim me rezolutë kundër dhunës së gazetarëve,” u shpreh ai në Komision.
(e.f/BalkanWeb)
