TIRANE
Ish-kryeministri Sali Berisha ka reaguar pas një incidentit që ndodhi sot në takimin e kryeministrit Edi Rama me studentë teksa prezantonte projektin e Kampusit universitar, si pjesë e Paktit për Universitetin.
Përmes një postimi në ‘Facebook’ Berisha ka sulmuar ashpër Ramën për sjelljen me studentet, pasi i kërkoi asaj të dilte jashtë nga salla, ndërsa e cilëson atë një burracak. Mes të tjerash Berisha shton se Rama në takim ishte veshur me antiplumb.
“Ketij i thone dil-jashte debat!
Akt arrogant dhe burracaku i Edvin Kristaq Urrejtjes ndaj studentes i cili i veshur me antiplumb ne takim nxjerr jashte studenten!Turp!
Ndiqeni videon e meposhtme. Sb”, shkruan Berisha.
Gjatë kohës që sot Rama fliste për kompusin, një studente e pranishme në sallë, u dëgjua të bërtiste se Pakti nuk është pranuar nga studentët, ndërsa i kujtoi kryeministrit se paguhej nga taksat e tyre. “Tani dil jashtë , dhe ne vijojmë punën ju keni të drejta të ngrini probleme por s’mund të përmbysni bashkëjetesën në një shoqëri. Ndërprerja e tjetrit prishja e bashkëbisedimit kur të tjerët janë mbledhur është mungesë aftësie për të bashkëjetuar në demokraci. Kush kujton se këtu jemi për të dëgjuar e duruar çdo lloj veshgjatësie në emër të lirisë së studentëve, e ka gabim”, tha Rama.
(ed.me/BalkanWeb)
