TIRANE
Kreu i republikanëve Fatmir Mediu ka reaguar pas mbledhjes së KQZ e cila vendosi të refuzojë dekretin e presidentit Ilir Meta për anulimin e zgjedhjeve të 30 qershorit. Për Mediun vendimi i KQZ-së është antikushtetues dhe kriminal
Postimi i Plote:
KQZ nuk ka asnjë të drejtë të interpretojë dekretin e Presidentit, por t’a zbatojë atë.
Kjo fakton kapjen e KQZ-së politikisht. Vendimet e saj politike, në kundërshtim me Kodin dhe ligjin, dhe tani në kundërshtim me Kushtetutën, tregon që ky organ është thjesht seksion politik i Edi Ramës.
Presidenti i Republikës duhet patjetër që këtë akt kriminal të KQZ-së, t’a përcjellë pranë organeve të Prokurorisë, pavarësisht çfarë Prokurorie kemi.
Rama edhe kur është vetëm në zgjedhje, kërkon që t’i vjedhë ato.
(BalkanWeb)