Real Madrid është në emergjencë totale për shkak dëmtimesh, pasi për momentin nuk janë të disponueshëm  Alaba, Carvajal, Militao dhe Lucas Vazquez. Në këto kushte, Los Blancos janë të detyruar të futen në merkato dhe mediat tashmë kanë filluar të hedhin hipotezat e para për afrimet e mundshme.

Kampionët e Europës janë në kërkim të një qendërmbrojtësi për në janar dhe emri që po fiton kuota së fundmi është ai i Mario Hermosos. 29-vjeçari po luan sezonin e parë te Roma, ndërsa mbahet mend për faktin se ka luajtur shumë edicione për Atletico Madrid.

Sa i takon merkatos së verës, prioritet janë Trent Alexander-Arnold në të djathtë dhe Alphonso Davies në të majtë.

(J.S/BalkanWeb)