Tirana dhe Partizani janë ndarë në një barazim të bardhë në derbin e 152-të të historisë, një rezultat 0-0 që më shumë i bën punë të kuqve të përfshirë në luftën për titullin kampion, pasi u lejon ta rrisin përkohësisht diferencën me Kukësin ndjekës në 9 pikë, ndërsa Tirana, tashmë shumë e shkëputur nga zona e mbijetesës, luajti një ndeshje për t’u admiruar.

Sidomos në pjesën e parë, kur bardheblutë ishin rreshtuar më mirë dhe e vunë në presion Partizanin. Tirana funksionoi më mirë nga krahët dhe mori mesin e fushës duke rrezikuar ndjeshëm në sidomos me anglezin Majkëll Ngo. Në minutën e 24-ët, Ngo gjuan bukur me kokë pas një harkimi nga e djathta, e cila u ndal në mënyrë të shkëlqyer nga Alban Hoxha. Kapiteni i kuq do të fitojë një tjetër duel me shtatlartin e sulmit bardheblu në minutën e 30-të. Partizani vuan mungesën e Lorenc Trashit, ndërsa Dilaver Duka nuk jep thuajse asgjë.

Ndaj në pjesën e dytë Gega ndërhyn, duke hequr Dukën dhe spostuar Atandën në mesfushë dhe aktivizon Lum Rexhepin në mbrojtje. Nga ana e tij Mema e nis me të njëjtin formacion. Por Partizani shfaqet më mirë në pjesën e dytë, ndërrimet japin efekt, por loja sulmuese nuk jep produktivitet. Në minutën e 55-të të kuqtë humbasin Idrizajn pas një dëmtimi të rëndë të gjurit dhe në vend të tij aktivizohet Kalari, ndërsa Mema largon Kobina dhe fut DokënNë minutën e 80-të Partizani iu afrua golit me Bruno Telushin, gjuajtja e të cilit ndalet nga shtylla. Duhet theksuar loja fizike dhe ndërhyrje të forta, të cilat tolerohen nga Enea Jorgji, që nga ana e tij bën një arbitrim tipik anglez. Por pavarësisht se do të luhet deri në minutën e 100-të, gola nuk do të ketë dhe skuadrat do të ndahen me rezultatin 0-0, duke marrë secila nga një pikë. Partizani vijon kryesimin duke u ngjitur në kuotën e 50 pikëve pas javës së 24-ët, ndërsa Tirana vijon në vendin e shtatë, tashmë në kuotën e 29 pikëve.

DËMTOHET RËNDË IDRIZAJ, LARGOHET ME AMBULANCË NGA STADIUMI

Partizani ka pësuar një humbje të madhe në këtë fillim pjese të dytë, teska pas një përplasjeje, Hektor Idrizaj dëmton keq gjurin e djathtë në minutën e 58 dhe transportohet me urgjencë për në spital.

Në vend të tij hidhet Renaldo Kalari.

PJESA E PARE MBYLLET PA GOLA

Ka përfunduar me rrjeta të paprekura pjesa e parë e ndeshjes Tirana-Partizani. Bardheblutë e Ardian Memës kanë zhvilluar një fraksion loje më të mirë, ku i kanë marrë mesfushën kundërshtarit dhe i janë afruar golit në dy raste me Majkëll Ngo. Shtatlarti ka goditur dy herë me kokë, por në të dyja momentet ka gjetur të përgatitur Alban Hoxhën. Te skuadra e Gegës defiçitet kanë qenë të mëdha në këtë pjesë të parë, ndërsa mbetet të shohim sesi do të reagojnë ekipet në pjesën e dytë.

FORMACIONET

Janë zbuluar dhe formacionet e dy skuadrave, Tiranës dhe Partizanit, që në orën 18:00 në stadiumin “Selman Stërmasi” do t’i japin jetë derbit të 152-të në histori.

Trajneri Ardian Mema ka zgjedhur të luajë nga minuta e parë me Kobina duke lënë në stol Albi Dokën, referuar dhe paraqitjeve të mira të afrikanit në ndeshjet e fundit

Nga ana tjetër, trajneri Skënder Gega ka lënë në stol Rexhepin, duke kthyer në prapavijë Atandën, ndërsa Idrizaj që vendin e Trashit të skualifikuar. Nga minuta e parë dhe Duka e Mensah.

Tirana: Abibi, Hoxhallari, Kërçiku, Turtulli, Imami, Karabeci, Maveje, Kobina, Greca, Hasani, Ngo

Trajner: Ardian Mema

Partizani: Hoxha, Idrizaj, Belica, Atanda, Ibrahimi, Telushi, Mala, Duka, Mala, Asani, Bardhi

Trajner: Skënder Gega

(BalkanWeb)