Tirana do të luajë në shtëpi me Dinamon, por nëse e keni harruar, blutë janë viktima perfekte e bardhebluve gjatë kampionatit të shkuar.

Nga 50 pikë të marra vjet, 10 pikë i janë marrë Dinamos. Skuadra bardheblu barazoi vetëm një herë, ndërsa në tri sfidat e tjera ia ka dalë që të fitojë 3-2. E veçanta është që Dinamo Tirana në çdo ndeshje ka parë të përmbysë takimin.

Dy vite ka Tirana që nuk fiton trofe. Bardheblutë nuk fitojnë prej Superkupës së Shqipërisë, dhjetorin e 2022-it, kur mundën Vllazninë në “Air Albania”.

Skuadra bardheblu pa që t’i “vidhej” një trofe, në sezonin 2022- 2023. Një kampionat me shumë polemika, që u mbyll me Partizanin kampion. Bardheblutë vjet nuk ia dolën që të ishin në “Final 4”, por luajtën në Europë falë dënimit të Skënderbeut. Qëllimi këtë vit është trofeu që duhet të plotësojë palmaresin e madh të skuadrës më të titulluar në Shqipëri.