Klevis Berberi, ish-punonjësi i një institucioni banke në Kryeqytet, i cili sipas burimeve të BalkanWeb, rezulton që është pushuar nga puna.
Shkak janë bërë problemet me kreditë e këqija, pasi Berberi kishte marrë si qytetar edhe si punonjës i bankës disa kredi.
Përpara disa kohësh, Klevis Berberi është pushuar nga puna, teksa kishte qenë duke vënë në plan skemën e mashtrimit me klienten e tij 54-vjeçare.
Kjo e fundit ishte paraqitur pranë bankës ku asokohe ishte punonjës edhe Klevis Berberi, i cili përmes deklaratës noteriale të bankës, të cilën e kishte të falsifikuara i ka marrë shumën prej 108 mijë euro 54 vjeçares.
Me këto dokumenta ai ka hedhur pronën në emër të tij dhe më pas ka përgatitur dokumentet për t’ja shitur sërish 54-vjeçares pronën.
Pasi është nënshkruar akti noterial, 54-vjeçarja duhet të ishte pronare e vetme e kësaj prone, ndërkohë që i arrestuari ka shitur pronën që ka qenë e vendosur kolateral për llogari të bankës së nivelit të dytë ku ai kishte qenë punonjës.
Sipas burimeve për Balkanweb, hetimet janë në vijim për të parë nëse 32-vjeçari ka kryer të tjera skema mashtrimi me klientë apo edhe nëse ka persona të tjerë të përfshirë.
(BalkanWeb)
