TIRANË

Dalin në dritë të tjera detaje nga shpërthimi me tritol i mjetit të prokurorit Arjan Muça, te “Komuna e Parisit”, në Tiranë.

Gazetarja Klodiana Lala raporton për “BalkanWeb” se shpërthimi i mjetit dyshohet se është bërë me lëndë plasëse, teksa ka qenë i parkuar në minus dy kate, në një qendër tregtare.

Siç raporton gazetarja Lala për “BalkanWeb”, prokurori Muça ka qenë oficer te Krimet e Rënda, është emëruar prokuror në Gjirokastër, dhe muajt e fundit është komanduar në Tiranë te Këshilli i Lartë i Prokurorisë. Ai bën raportet për gjyqtarë e prokurorë që kalojnë në Vetting.

Prokurori Muça ka edhe bashkëshorten gjyqtare te Gjykata Administrative e Tiranës, Gentiana Muça, ndaj dhe është ende e paqartë nëse ngjarja lidhet me të apo me të shoqen.

(BalkanWeb)

• “Çdo natë parkohej në një qendër tregtare”, kreu i Policisë së Tiranës jep detaje rreth shpërthimit në makinën e prokurorit
• Shpërthimi i mjetit të prokurorit, reagon policia: Vetëm dëme materiale, ngrihen pika kontrolli për kapjen e autorit
• Shpërthimi te “Komuna e Parisit”, kush është prokurori që iu “hodh në erë” makina (Emri)
• Shpërthen një “Benz” te “Komuna e Parisit”, nuk raportohet për të lënduar