TIRANE
Dhoma Amerikane e Tregtisë, feston për herë të parë në Shqipëri, ditën e Falenderimeve. Përpos punës për përmirësimin e klimës së biznesit në Shqipëri, në fokus të dhomës amerikane të tregtisë është edhe lobimi per traditat, standartet dhe vlerat amerikane. Drejtoresha Ekzekutive e Dhomes Amerikane, Enida Bezhani e cilësoi ditën e falenderimeve një ditë të vecantë dhe shprehu mirënjohjen për të gjithë anëtaret dhe bashkëpunetoret e kësaj familje të madhe. Bezhani theksoi kontributin e dhënë në gjithë këto vite nga Birra Korca, si pjesë e grupit Hysenbelliu duke e vlerësuar si sponsor platinium i këtij aktiviteti.
Administratori i Birrës Korca, Gentian Ramollari falenderoi Dhomën Amerikane të Tregtisë për bashkëpunimin në fushen e zhvillimit ekonomik. Duke uruar për një miqësi të vazhdueshme, Ramollari nënvizoi se Birra Korca do të mbetet një partner dhe mik i kësaj familje të madhe, ashtu sic është ndër vite edhe miqësia mes dy popujve.
Presidenti i Dhomes Amerikane te Tregtise Mark Crawford e cilësoi festën e falenderimeve si një ditë të shënuar, ku të gjithë miqtë dhe bashkëpuntorët mblidhen bashkë për të shprehur falenderimet për kontributet dhe mbështetjen e dhënë ndaj njëri tjetrit.
Dita e Falenderimeve eshte nje feste tradicionale amerikane, gjate te ciles familjet mblidhen së bashku për të shprehur falenderime për gjithcka kanë dhe për atë me të cilën Zoti i ka bekuar.
(BalkanWeb)
