SHKODER

Situata që ka mbërthyer futbollin shqiptar këtë periudhë nuk është aspak ajo që të gjithë shpresonin. Në kulmin e sezonin, futbolli shqiptar u paralizua, dhuna ndaj gjyqtarit Hamiti solli një efekt domino të pashembullt, bojkot në rang kombëtarë nga arbritrat. Dënimi ekzemplar i Kamzës nuk pati asnjë efekt pasi dhuna në stadiume erdhi në forma të ndryshme, me presidente, futbollistë, staf drejtues etj të cilët bënë “pis” edhe një herë produktin e tyre.

Jo vetëm dhunë, por ky sezon është jo pak i çuditshëm ku vetë aktorët shprehen se futbolli nuk po luhet më në fushë por në tavolina. Armand Duka nuk dëshiron as të flas me emra të përveçëm e as të ndalet në episode të veçante, e rëndësishme për të është që aktorët të përpiqen të arrijnë objektivat e tyre në fushën e lojës:

“Futbolli është një garë me emocione dhe gjithsecili duhet të frenojë dhe komandojë ato pozitivisht. Duhet që çdo individ t’i shfrytëzojë për zhvillimin e kësaj loje dhe jo për të kundërtën. Është fundi i kampionatit dhe të gjithë duan të marrin maksumimin, por harrojnë që maksimumi merret në fushën e lojës dhe duhet sa më tepër angazhim brenda saj për ta finalizuar me sukses sezonin. Kjo nuk vlen vetëm për Superioren, por të gjitha kampionatet që organizon FSHF”, u shpreh Duka

(BalkanWeb)