Elvisi dhe Sidriti shkuan të takojnë familjen në Divjakë por habiten nga ajo që shikojnë, një gërmadhë pa dyer e pa dritare. “Si mos më keq çfarë bie jashtë bie brenda. U ngrysëm sot shyqyr, ra shi dje u mbush shtëpia me ujë”, u thotë Moza vizitorëve.

Elvisi: Çfarë është kjo shtëpi, pa dyer pa dritare? Qenka tmerr këtu.
Moza: Këtë e kam zaptuar se unë nuk kam fare shtëpi, por këtu ai pronari na tha që duhet të dalim, i kam mbajtur edhe dy javë pa larë fëmijët në dimër në këtë të ftohtë, pa dyer pa dritare, ndiznim një zjarr”.

  • foto galeri
  • foto galeri
  • foto galeri

Elvisi: A prisni miq? Ky mur po bie…
Moza: Jemi tmerruar dje ra një copë nga tavani kemi dalë me vrap përjashta, jashtë ishte furtunë.
Sidriti: Është viti 2019, na është mbyllur goja prej turpit.
Elvisi: Jashtë dukej keq, por brenda është akoma me keq.

Sidriti: Nga jashtë dukej banesë e braktisur ndërsa brenda kjo është e rrezikshme.
Elvisi: Ju çdo natë rrini me rrezik këtu, me çfarë ngroheni këtu?
Moza: Nuk kemi ngrohëse, vetëm me batanije, nuk kemi energji elektrike, me qirinj, me elektrik dorë e karikojmë tek komshia.

Elvisi takon fëmijët duke u thënë mos të mërziten.
Elvisi: Detyra juaj është shkolla, për të tjerat mendojmë ne, ti të marrësh nota të mira, të kesh sukses atje, të tjerat na i lër neve, se jemi të gjithë bashkë, pra çdo sekondë që në rrimë këtu shtohet rreziku.
Moza: Më vjen kaq keq që nuk ju njoh Elvis, por unë nuk kam drita, nuk shikoj televizor.
Elvisi: Një gjë nuk e kuptoj, ku flini ju këtu?
Moza: Unë fle bashkë me vajzën tek ky divani këtu, burri këtu ndërsa djali tek ballkoni përjashta.

Elvisi: Po kur fillon i ftohti i madh?
Moza: Kemi fjetur edhe të tre bashkë me dy fëmijët. Sajohemi me batanije…ne përjashta jemi edhe këtu
Elvisi: Bëhuni gati se do të ikim, do të shkojmë në një vend më të mirë
Sidriti: Kam qenë fjalëpak, këtu tek xhepi kam pasur diçka të rëndë, dije se tek kjo kuti e vogël janë lutjet dhe dashuria e gjithë shqiptarëve, pra nuk është vetëm një pjesëz e vogël metalike që hap diçka. Janë bekimet e gjithë shqiptarëve për ju familjarisht.

  • foto galeri
  • foto galeri

Moza: Kjo ishte një surprizë e madhe ju falënderoj me zemër!
Kryefamiljari Ymeri: kemi mbetur pa fjalë, është një ëndërr!
Elvisi: Edhe ju ta kishit një shtëpi normale, si shumica e shqiptarëve. Të gjithë bashkë ne bëjmë mozaikun e mrekullisë shqiptare.

https://youtu.be/gc_oGjrLs90

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb