GREQI

Kreu i Lëvizjes Antifashiste të Greqisë, Petros Kostandinu në një lidhje me “Skype” me emisionin “Dritare me Rudinën”  në News 24 ka folur për vrasjen e 63-vjeçarit shqiptar Petrit Zifle.

Duke shprehur ngushëllimet për familjen e shqiptarit të vrarë, Petros Kostandinu deklaroi se ka patur edhe raste të tjera të krimeve raciste, siç ishte edhe rasti i Petritit.

Gazetarja Ira Londo raportoi nga Greqia duke përkthyer Kostandinu se Petriti para se të vritej është kërcënuar nga vrasësi, ndërsa fjalët e tij kanë qenë “Mos më dil para se do të shtrij përtokë”.

“Në radhë të parë mirëmbrëma, i shpreh ngushëllimet familjes. Kam vënë re krime raciste si  kjo ngjarje.  Pikërisht ka qenë kjo deklarata, e cila ka sensibilizuar opinionin. Kjo vrasje është publikuar që nga momenti kur u gjet vrasësi. Bëhet fjalë për një vrasje raciste.

Në radhë të parë jam në dijeni dhe kam të dhëna se ka patur një debat për Maqedoninë.  Një bisedë kafeneje, por thuhet që autori i ka thënë Petriti po të të shoh do të shtrijë përtokë. Vrasësi kam të dhëna të sigurta  se ka qenë  kontrolluesi për të patur këtë zonën në funksion të Agimit të Artë. Ka një tatuazh në dorë me kryqin e nazizmit.

Kjo është në kuadrin e një klime të vazhdueshme që po shënon Agimi i Artë. Në këto kuadër ka një klimë  të përkeqësuar duke përdorur raste  si Maqedonia dhe Kacifas. Kanë ndërhyrë edhe tek fëmijët e shkollave  me propagandën e tyre. Janë vazhdimisht në këtë zonë për shkak edhe të mbeturinave, sepse këto i shfrytëzojnë për të fuqizuar kauzën e tyre”, u tha në komunikimin  nga Greqia.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb