Pas një seance maratonë, Gjykata e Krimeve të Rënda gjeti fajtor ish-ministrin e brendshëm Saimir Tahirin vetëm për një nga tre akuzat e ngritura nga organi i akuzës.
Gazetarja Klodiana Lala, ka siguruar për “BalkanWeb” vendimin treshes gjykuese, e cila dënoi Saimir Tahirin me 5 vite burg, por që për shkak të gjykimit të shkurtuar dënimi sipas vendimit, konvertohet në 3 vite e 4 muaj shërbim prove.
Prokuroria kërkoi javën e shkuar dënimin prej 12 vitesh burgim, duke e akuzuar ish ministrin për të paktën tre vepra të rënda: Trafik i narkotikëve kryer në bashkëpunim në formën e grupit të struktuar kriminal; Pjesmarrje në grup të strukturuar kriminal dhe Kryerja e veprës në grup të strukturuar kriminal. Por gjykata i rrëzoi ato, duke vlerësuar se nuk kishte prova që të mbështesnin këto akuza.
(BalkanWeb)
