GJERMANI

Spanja duket një mision i pamundur, por në radhët e kuqezinjve të gjithë besojnë, fundja nuk kanë asgjë për të humbur.

Atmosfera në radhët e përfaqësueses është shumë pozitive, ndërsa këtë të shtunë zhvilluan edhe seancën e radhës stërvitore. Kristi Sejatllari, i dërguar i News24 në Gjermani, në një lidhje live nga kampi stërvitor i Kombëtares theksoi se në “Merkur Spiel-Arena”, në Düsseldorf, aty ku do të zhvillohet ky takim, do të ketë një dominim absolut nga tifozët kuqezi të cilët do të jenë më të shumtë në numër.

“Lojtarët po nisin stërvitjen e radhës para ndeshjes me Spanjën. Ne gazetarët lejohemi 15 minuta për të filmuar. Manaj është bashkuar me grupin. Mbrëmë futbollistët janë takuar dhe me familjarët, ndaj kombëtarja është e qetë.”, tha gazetari.

(BalkanWeb)