SLLOVENI- Drejtori i Përgjithshëm i Policisë së Shtetit, Ardi Veliu, i shoqërur nga drejtori i Antiterrorit, Gledis Nano, mori pjesë në konferencën kundër radikalizmit të dhunshëm.

Në Brdo, Slloveni u zhvillua konferenca përmbyllëse e projektit për ndërgjegjësimin dhe inkurajimin e institucioneve për rritjen e kapaciteteve në këtV kuadër, në Ballkanin Perendimor.

Ky projekt është pjesë e nismës, iniciativa kundër terrorizimit në Ballkanin Perëndimor.

Në konferencë morën pjesë Drejtuesit e Policive dhe të Antiterrorit të vendeve të rajonit: Shqipëria, Kosova, Maqedonia, Mali i Zi, Sllovenia, Serbia dhe Kroacia.

Gjatë konferencës u shkëmbyen eksperiencat më të mira, si dhe u diskutua për të forcuar më tepër bashkëpunimin dhe koordinimin në të ardhmen.

Një pikë tjetër e diskutimeve ishte dhe fluksi migrator, kryesisht për migrantet e paligjshëm që vijnë nga zonat e konfliktit.

Të gjitha shtetet pjesmarrëse janë të angazhuara maksimalisht për parandalimin dhe goditjen e këtyre fenomeve.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb