Dua Lipa ka ndarë disa foto nga “ditët e fundit të 2024”. Ylli i popit me origjinë shqiptare ka festuar natën e ndërrimit të viteve duke postuar disa foto në llogarinë e saj në Instagram, duke treguar sërish unazën e diamantit që ndezi thashethemet e fejesës pak ditë më parë.
Kolazhi që ajo postoi përmbante disa foto të këngëtares duke pirë martini dhe duke treguar unazën mbresëlënëse në dorën e saj të majtë, mes disa publikimeve që pretendonin se partneri i saj, Calum Turner, i kishte propozuar asaj për festat e Krishtlindjeve.
Këngëtarja fituese e Grammy-it kishte veshur një fustan mini të zi dhe geta me dantella poshtë, të cilat i bashkoi me një palë taka kuq e zi.
Shihni fotot
Lipa u fotografua duke mbajtur të njëjtën unazë teksa ndiqte një kurs joga të nxehtë në Londër të hënën, më 30 dhjetor, sipas fotove të siguruara nga Daily Mail.
Thashethemet për fejesë nisën javën e kaluar pasi këngëtarja postoi disa foto me unazën e artë në dorën e majtë. Megjithatë, as ajo dhe as aktori 34-vjeçar nuk i kanë konfirmuar apo mohuar thashethemet.
Javën e kaluar, një burim i tha The Sun se çifti u fejua për Krishtlindje.
“Dua dhe Calum janë të dashuruar dhe e dinë se kjo është përgjithmonë”, tha një burim. “Dua ka pasur një nga vitet më të mira të karrierës së saj në aspektin profesional dhe kjo është qershia mbi tortë”.
Burimi tha se aktori i “Fantastic Beasts” ka qenë “një mbështetje e vazhdueshme “për yllin britanik të popit dhe ka bërë për vete të gjithë miqtë dhe familjen e saj. Ajo gjithashtu pohoi se çifti po planifikojnë të festojnë fejesën e tyre me një festë të madhe në Londër.
