DUBAI-Një zjarr i përmasave të mëdha ka përfshirë një nga ndërtesat më të larta të banimit në botë të njohur si ‘Torch Tower’, në Dubai.
Zjarri ka rënë fillimisht në katin e 50-të të ndërtesës 79 katëshe rreth 336 metra të lartë, ndërsa është përhapur në rreth 60 kate duke u ndihmuar dhe nga erërat e forta.
Ende nuk dihen shkaqet e zjarrit, ndërsa forcat e policisë dhe zjarrfikëses kanë mbërritur në vendngjarje për neutralizimin e flakëve dhe nisjen e hetimeve.
Paraprakisht nuk ka njoftime për të lënduar apo viktima, ndërsa mijëra persona janë evakuuar.
(d.d/BalkanWeb)