Paulo Dybala po dëshmon se është i suksesshëm te Roma dhe klubi thuhet se po punon për një kontratë të re për fituesin e Kupës së Botës 2022.
Sulmuesi 29-vjeçar argjentinas i dha fund lidhjes shtatëvjeçare me Juventusin në verë dhe u bashkua kryeqytetasve në një transferim të lirë, duke nënshkruar një marrëveshje trevjeçare me klubin. Pavarësisht disa problemeve, fillimi i Dybala te Roma ka shkuar mirë dhe ai ka kontribuar me 13 gola në 16 ndeshje këtë sezon.
Siç raportohet nga Calciomercato.com, Roma po kërkon të aktivizojë një klauzolë të pranishme në kontratën ekzistuese të Dybala, e cila do të rriste pagën e tij dhe do të hiqte mundësinë e largimit
Sulmuesi argjentinas aktualisht fiton 4.2 milionë euro neto në sezon dhe kjo do të rritet në 6 milionë euro, e mjaftueshme për të hequr automatikisht klauzolën e lirimit. Kontrata aktuale e Dybala-s i lejon atij të largohet nga Roma për vetëm 12 milionë euro për një klub të huaj ose 20 milionë euro për një skuadër italiane.
Të gjitha palët duhet të bien dakord për marrëveshjen dhe kjo do të marrë pak kohë, thekson raporti. Dybala është i lumtur me Romën, por dëshiron të kuptojë planet e ardhshme të Friedkins për klubin, siç bën edhe trajneri Jose Mourinho. Palët do të takohen pas marsit për të diskutuar projektin në Romë dhe cilat janë planet e ardhshme.
(BalkanWeb)
