João Félix mund të ketë gjetur një destinacion interesant kur bëhet fjalë për të sqaruar të ardhmen e tij. Diario AS raportoi tashmë në fillim të korrikut se Aston Villa po konsideron futbollistin portugez për të forcuar sulmin për Champions League. Tani klubi nga Birminghami ka rënë dakord për largimin e anësorit francez Moussa Diaby në Al Ittihad të Arabisë Saudite, çka hap dyert në Villa Park për João Félix.
Felix vjen pas një sezoni te Barcelona, aty ku në 30 ndeshje, realizoi 7 gola dhe dhuroi 3 asiste. Më parë, sulmuesi ka veshur fanellën e Atleticos dhe Chelseat. Pasi luajti si huazim edicionin e kaluar te katalanasit, ai ka nënshkruar me Atléticon deri në vitin 2027, por klubi dhe lojtari e dinë se rrugët e tyre me gjasë do të ndahen.
Aston Villa është mjaft aktive në merkato, pas nënshkrimit të Ian Maatsen; Cameron Archer, Jaden Philogene, Iling-Junior, Dobbin, Barrenechea ose Barkley, klubi shiti Douglas Luizin te Juventusi dhe çoi Coutinhon te Vasco de Gama.
(J.S/BalkanWeb)
