TIRANË- Një 63-vjeçar nga Vora është lënë në arrest me burg, pas denoncimit të djalit dhe nuses së tij për kryerjen e veprimeve të turpshme me mbesën.

Gazetarja Klodjana Lala, raporton për BalkanWeb se djali pretendonte që i ati ka kryer veprime të turpshme me të bijën dy vite më parë, në 2015-ën, kur ata kishin ardhur me pushime.


Ai thotë se e kanë kuptuar nga disa vizatime të vajzës së mitur në Itali, që pasi i është nënshtruar testit psikologjik ka pranuar që gjyshi e prekte në vende intime.


Por Xhemali Picari, gjyshi i vajzës, që jeton në një shtëpi private në Vorë i mohon akuzat dhe pretendon se djali i tij dhe nusja kanë inskenuar gjithçka për t’i marrë shtëpinë.


“Mund të ketë rastisur që kam qënë lakuriq në shtëpi, por kurrsesi s’kam prekur mbesën. Djali dhe nusja kanë qëllim të më marrin shtëpinë”,- thotë ai, raporton BalkanWeb.

(m.a/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb