Një aksident i rëndë me pasojë vdekjen e një personi ka ndodhur këtë mesditë në Durrës.


Policia sqaron se ngjarja ka ndodhur tek “ish-Këneta”, ku mjeti tip “Ford”, me drejtues një 24-vjeçar, ka përplasur këmbësoren Sh. V., e cila ka ndërruar jetë rrugës për në spital.


Durrës/Informacion Paraprak
Më datë 20.11.2019, rreth orës 12:30, në vendin e quajtur “ish- këneta’, mjeti tip “Ford”, me drejtues shtetasin H.K., 24 vjeç, ka aksidentuar këmbësoren, shtetasen Sh.V., e cila ka ndërruar jetë gjatë transportimit për në spital.


Grupi hetimor po punon për zbardhjen e shkakut të aksidentit. Drejtuesi i mjetit është shoqëruar në ambjentet e Policisë për veprime të mëtejshme.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb