Një ngjarje e rëndë ka ndodhur në burgun e Korydallos, në Greqi. Një roje e këtij burgu ka vrarë veten me armën e zjarrit.
Raportohet se ai ishte anëtar i rojës së jashtme dhe ditën që i ka dhënë fund jetës ka qenë pushim. Sipas medieve greke, roja ka shkuar në zyrën e tij dhe ka vrarë veten.
Ai punonte prej 18 vitesh si roje burgu dhe nuk dihen shkaqet e aktit vetëflijues, pasi të gjithë e përshkruanin si një punonjës shembullor. Sipas informacioneve, edhe bashkëshortja e tij ishte oficere burgu.
Ndërkohë, një skuadër policie ka shkuar në vendin e ngjarjes dhe po heton për të zbardhur shkaqet e aktit të rëndë.
(BalkanWeb)