Gjatë kësaj të diele, që në orët e mëngjesit, qytetarët e Librazhdit i janë drejtuar kutive të votimit në 61 Qendrat e votimit për të zgjedhur atë që do drejtojë Bashkinë e Librazhdit për katër vitet e ardhshme.
Sikurse shihni edhe nga fotot, të siguruara për “BalkanWeb” nga gazetari Fatmir Popja, një e moshuar e ditëlindjes 01.02.1925, Mereme Ibrahim Skeja (Kola), banuese në lagjen Laur në fshatin Dorëz në Njësisë Administrative Dorëz në Bashkinë e Librazhdit, ndonëse në kushte jo të mira shëndetësore dhe me patericë, i është drejtuar qendrës së saj të votimit.
Ajo tregon me detaje emocionet që ka përjetuar kur ka votuar për herë të parë dhe dëshirën e saj për të marrë pjesë edhe ne votimin.
(Balkanweb)