Kur duhen dhe pak orë nga sfida Moldavi-Shqipëri, zbulohen dhe detajet e para të formacionit titullar me të cilin kuqezinjtë do të kërkojnë tre pikët në “Zimbru Stadium” të Kishinaut. Sipas asaj që publikon “Panorama Sport”, do të jetë Lorenc Trashi befasia e re e ekipit Kombëtar. Gramshaku, kampion me Partizanin, ndiqet me interes nga Edi Reja dhe, në takimin e fundit në “Selman Stërmasi”, shënoi golin e barazimit kundër Teutës pikërisht nën sytë e trajnerit kuqezi.


Trashi ka marrë vendin e Lenjanit dhe Reja shpreson që lojtari i 16 herë kampionëve të ketë të njëjtin ritëm në krahun e majtë siç ka me të kuqtë e kryeqytetit. Sa u takon emrave të tjerë, është ende herët pas më parë duhet kuptuar skema me të cilën Reja do të luajë, prej nga varen dhe shumë elementë.


(Balkanweb)


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb