Egjipti ka paraqitur një propozim të ri për armëpushim në luftën midis Izraelit dhe grupit islamik palestinez Hamas në Rripin e Gazës, sipas medias katariote.

Faqja e lajmeve e Katarit ”al-Arabi al-Jadid” citoi burime të informuara në Egjipt duke thënë se propozimi përfshinte një tërheqje graduale të trupave izraelite nga Gaza dhe u ishte paraqitur të dyja palëve.

Një përfaqësues i Hamasit konfirmoi për se organizata islamiste kishte marrë propozimin.

Nga Izraeli nuk pati asnjë konfirmim të menjëhershëm.

Sipas gazetës, propozimi kërkon një armëpushim të menjëhershëm në Rripin e Gazës, të ndjekur nga negociatat për një afat kohor për lirimin e pengjeve të mbetura të mbajtura nga Hamasi.

Në këmbim, trupat izraelite do të tërhiqen gradualisht nga zona bregdetare.

Propozimi parashikon gjithashtu që Hamasi të sigurojë informacione të sakta për pengjet e mbijetuar dhe trupat e të vdekurve dhe ta mbështesë këtë informacion me fotografi.

(BalkanWeb)