I ftuar në studion e  ‘Kjo Javë’, drejtori i Përgjithshëm i Agjencisë Kombëtare të Mbrojtjes Civile, Haki Çako, i përgjigj akuzave të ngritura se ekipeve e kërkim shpëtimit  shqiptare nuk kishin kapacitetet e duhura.

“Mos durimi apo padurimi i qytetarëve është i ligjshëm, për shkak të kushteve apo humbjes së banesave, por kurrësesi nuk është i ligjshëm interpretimi apo komenti i individëve apo subjekteve të caktuara të cilat gjatë këtyre 30 viteve kanë patur mundësinë dhe kanë patur në dorë vendimmarrje të caktuara për të ngritur një sistem të mirëfilltë për të përballuar emergjenca të tilla ose fatkeqësi natyre, që i përkasin të gjitha vendeve të rajonit, dhe natyrisht, ndërveprimi apo përballimi i fatkeqësive të tilla, kërkon kapacitete po kërkon edhe mbështetje, kërkon kapacitete po kërkon edhe mbështetje kërkon edhe një unifikim dhe një gadishmëri përtej hapësirave gjeografike dhe juridiksionit të një vendi të caktuar. E them me përgjegjësi të plotë që pavarësisht se kapacitetet tona nuk mund të krahasohen me ato të vendeve të zhvilluara të BE, apo të vendeve të tjera, por ajo që prevalon mbi të gjitha është gatishmëria, vullneti dhe lëvizja e të gjitha qytetarëve dhe e strukturave të shtetit shqiptar. Nuk besoj se dikush do të gjejë motivin për të identifikuar neglizhenca në këtë drejtim. Fatkeqësia përfshin gjithë shoqërinë. Strukturat kanë qenë kompakte dhe të harmonizuara.”- u shpreh Çako.

“Vullneti human dhe njerëzor prevalon mbi mjetet, mbi teknologjinë e cila udhëhiqet nga njeriut. Gjithsesi teknologjia ka efektet e veta dhe ne jemi duke punuar intensivisht për ngritjen e plotë të agjencisë kombëtare të mbrotjes civile, që është institucioni kryesore që bën politikat e qeverisë për mbrojtjen civile për reduktimin e riskut. Por të gjitha strukturat duhet të kompletohen në këtë aspekt. Sot të gjitha njësitë administrative, bashkitë apo edhe institucionet e tjera, janë të detyruara të planifikojnë përpara se të ndodhin fatkeqësitë natyrore në buxhetin e tyre, 2- 4 % për njësitë vendore, për të gjitha institucionet.’ -tha Cako.

Ndër të tjera, Çako u ndal edhe në tërmetin e 21 shtatorit, për të cilin tha se ishte bërë kategorizimi i dëmeve.

“ Ne sapo kishim filluar rindërtimin e 233 banesave, përjashto bashkinë e Tiranës, që kishte marrë iniciativat e veta. Ashtu sikurse kishim evidentuar banesat që do të investohej për riparimin e tyre. Gati ishte në përfundim i gjithë procesi i 21 shtatorit.  Është një sistem i tërë që duhet të funksionojë, nuk është një strukturë e vetme e cila mund ta finalizojë një proces të tillë. Po besoj se ka një individ i cili do ketë kurajon apo mundësinë të më thotë se sonte nesër apo së shpejti do bjerë një tërmet tjetër 7.3 ballë që ne do të duhet të bëjmë klasifikimin e banesave të tjera e t’i themi qytetarëve dilni përjashta se do bjerë një termet më i madh, e ju rrezikoni të vdisni brenda tyre. Në këto kushte tërmeti i 21 shtatorit nuk mund t’i jepte mundësinë asnjë lloj inxhinieri apo eksperti të përcaktonte që fatkeqtë e banesave të rrënuara me këtë fuqi tërmeti mund të ishin përcaktuar. Mund të them që 3 pallatet në Thumanë ishin vlerësuar për t’u riparuar, po asnjë nga komisionet e vlerësimit nuk kishte dalë në konkluzionin që këto pallate duheshin shembur.’ -tha Çako.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: