Vepra e Vincent Van Gogh, “The Sunflowers”, e ekspozuar në Londër në Galerinë Kombëtare, u njollos nga një grup ekologësh. Protestuesit, të përfshirë në fushatën e protestës kundër naftës “Just Stop Oil”, hodhën salcë domatesh, kundër pikturës së famshme. Këtë e kanë raportuar mediat britanike, duke transmetuar edhe një video të xhestit.
Pas kryerjes së veprës, 21-vjeçarja Phoebe Plummer, një nga aktivistet, bërtiti “Çfarë të intereson më shumë? Arti apo jeta? Jeni më shumë e interesuar të mbroni një pikturë apo planetin?”, raportojnë mediat londineze. Vepra e Van Gogut është e mbrojtur me xham. Policia Metropolitane e Londrës ka ndërhyrë dhe ka bërë të ditur se ka arrestuar dy aktivistët për “dëm të rëndë”.
Fushata “Just Stop Oil”, e nisur kundër pengesave në politikën e emergjencës klimatike për të cilën fajësohet qeveria konservatore e Liz Truss, ka nisur prej disa ditësh në Britani me aksione goditëse kundër vendeve publike dhe transportit nga grupe aktivistësh radikalë.
Imazhet e blicit në Galerinë Kombëtare tregojnë dy aktivistët shumë të rinj në veprim, që hynë në muze të veshur me bluza të bardha me fjalët “Vetëm Stop Oil” dhe më pas hodhën përmbajtjen e dy kanaçeve me domate kundrejt pikturës së famshme të Van Gogh-ut.
Vepra “The Sunflowers” e ekspozuar në Galerinë Kombëtare është një nga pesë versionet e së njëjtës temë të pikturuar nga artisti i madh holandez dhe ka një vlerë të vlerësuar mbi 80 milionë euro.
(Tgcom24/BalkanWeb)
