Organizatat mafioze shqiptare janë të rrënjosura në Itali dhe bashkëjetojnë me mafiet autoktone, kurse mbizotërojnë në sektorin e trafikut të drogës në Veri, Qendër dhe Jug.

Ajo që e veçon mafien shqiptare është se ka pak ose apsk persona nga ta që bëhen bashkëpunëtorë të drejtësisë. Vincenzo Musacchio, avokat, analist dhe studiues i strategjive për të luftuar krimin e organizuar dhe president i Observatorit Molise, analizon fenomenin e mafies në vendin fqinj, shkruajnë mediat italiane.

Eksperti shprehet se mafia shqiptarer ka zënë vend në Itali që në vitet e 90-ta. “Mafia shqiptare ka zënë një vend të rëndësishëm në Itali. Ajo ka zaptuar territorin italian që prej vitit 1990. Në fillim, aktiviteti më i përhapur për ta ka qenë vjedhja, zhvatja dhe prostitucioni. Sikundër mafia italiane, edhe ajo shqiptare ka evoluar me kalimin e kohës, duke pasur si aktivitet kryesor trafikun e drogës. Ata kanë arritur në tjetër nivel dhe ajën bërë më të fuqishëm, falë bashkëpunimit me mafiet italiane”, thotë Musacchio. Ai shton se mafia shqiptare është më e rrezikshmja nga të huajtnë Itali, ndjekur nga ajo nigeiane, kineze dhe mafitë e vendeve të Europës Jug-lindore si Rumania dhe Bullgaria.

  • foto galeri

Eksperti deklaron edhe vendet ku më së shumti vepron mafia shqiptare.

“Deri tani ata janë vendosur në çdo pjesë të territorit italian, nga Lombardia në Molise. Falë trafikimit të armëve, të trafikimit me njerëz dhe trafikut të armëve, ata po zgjerohen gjithnjë e më shumë në vendin tonë. Fakti që ata kanë drogë në duar, i bën që të zënë bazat kryesore thuajse kudo në Europë.  Trafikimi i drogës, siç u përmend tashmë, është veprimtaria e privilegjuar kriminale, aq sa Shqipëria u riemërua “Kanabistan” për prodhimin e madh të marijuanës që eksportohet në Itali dhe Bashkimin Evropian, por edhe për klasifikimin e kokainës që vjen nga Amerika e Jugut dhe për heroinën që vjen nga Lindja e Mesme në vend. Në disa studime shkencore është njohur karakteri mafioz i organizatave shqiptare dhe historia dhe evolucioni i bandave nga të cilat burojnë shumica e grupeve kriminale që veprojnë në vendin tonë. Duke marrë parasysh lidhjen e gjakut që i lidh ata, mafiozët shqiptarë janë të ngjashëm me Ndranghetan kalabrese”, tha ndër të tjera eksperti antimafia Vincenzo Musacchio.

Ai shton se pavarësisht se është ndër mafiet më të dhunshme, së bashku me Nigerianët, mafiozët shqiptarë kanë mësuar se nuk është e nevojshme të veprosh në mënyrë të dhunshme dhe të zhurmshme dhe prandaj të bëjmë biznes në heshtje, duke minimizuar rrezikun për t’u identifikuar nga policia dhe gjyqësori.

Ndërsa Musacchio ka edhe një ide për marrëdhënien e mafies italiane me atë shqiptare.

“Gjithmonë është thënë se ata iu nënshtruan mafiozëve vendas, por, me kalimin e kohës, mafiozët shqiptarë, falë trafikimit të drogës, sot, janë në forca thuajse paralel me ato italiane. Organizatat mafioze kanë kuptuar se bërja e luftës nuk është e përshtatshme dhe për këtë arsye bashkëpunojnë me njëra-tjetrën në mënyrë utilitariste për qëllimin e vetëm të tërheqjes së avantazheve të ndërsjella ekonomike. Në Puglia, për shembull, ku janë kryer hetime të shumta për trafik ndërkombëtar të drogës, marrëdhënia midis dy grupeve kriminale është e qartë tani: ekziston një simbiozë e përsosur midis mafies shqiptare dhe mafies Apuliane (Foggia dhe mafia Gargano në radhë të parë) në një pozicion të barazisë absolute dhe bashkëpunimit të plotë. Një formë e re e bashkëpunimit midis mafiozëve shqiptarë dhe italianë ekziston gjithashtu në sektorin e ndërtimit, turizmit dhe tregtisë në Itali dhe vetë në Shqipëri”, deklaron ai.

Mw tej, eksperti antimafia Vincenzo Musacchio tregon edhe sektorwt ku vepron mafia shqiptare.

“Droga, trafikimi i qenieve njerëzore, trafikimi i organeve njerëzore, prostitucioni dhe punësimi i paligjshëm janë aktivitet kryesore të mafiozëve shqiptarë. Sidoqoftë, niveli më i lartë i bashkëpunimit qëndron në fushën e drogave. Në këtë sektor kriminal, marrëdhëniet midis dy organizatave kriminale ishin më të dukshme. Për sa i përket trafikut të drogës, siç e kam thënë tashmë, shqiptarët tani janë një garanci si furnitorë të lëndëve të para dhe si tregtarë të drogës që janë vendosur në vende të ndryshme të Evropës dhe kanë krijuar marrëdhënie të qëndrueshme me trafikantët e drogës në të gjithë botën . Për më tepër, trafiku i drogës në Itali është favorizuar nga formimi progresiv i grupeve shqiptare në portet kryesore italiane dhe evropiane. Prania e qëndrueshme e shqiptarëve në disa zona portuale italiane ka përbërë dhe ende përbën”, u shpreh ai.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb