Të paktën 100 familje në një bllok banimi në lagjen 5 Maji në bashkinë e Elbasanit pretendojnë se prej më shumë se një muaji nuk furnizohen me ujë të pijshëm. Banorët e kētij blloku banimi pretendojnë se me problemin e mosfurnizimit me ujë të pijshëm kanë rreth 6 vite që përballen, por situata është përkeqësuar edhe mē tepër që nga muaji Dhjetor i vitit 2024, kohë kur furnizimi me ujë tē pijshëm është ndërprerë. Banorët shprehen se janë ankuar pranë UKE për situatën e krijuar, por nuk kanë marrë ende një përgjigje se përse nuk furnizohen me ujë. Me librezat në duar, që faktojnë se i paguajnë rregullisht faturat ata shprehen të indinjuar me UKE.
Edhe më e vështirë paraqitet situata për familjet që kanë fëmijë të vegjël. Banorët detyrohen ta blejnë ujin për konsum, çka për ta do të thotë kosto e shtuar.
Ata që nuk e blejnë dot ujin për konsum detyrohen ta mbushin disa kilometra larg shtëpisë.
Edhe pse kanë kërkuar disa herë zgjidhjen e këtij problemi nga Ujësjellësi i Elbasanit deri me tani ata nuk kanë furnizim me ujë në shtëpi.Kërkesa e ligjshme e tyre mbetet furnizimi me ujë të pijshëm sa më shpejt pasi situata e krijuar është e pajustifikueshme për Ujësjellës Kanalizime Elbasan. Ndërkohë nga ana e tyre drejtuesit e UKE kanë sqaruar se situata ka qenë shqetësuese ka vetëm për tri familje në këtë bllok banimi dhe këtë të Premte edhe atyre ju është mundësuar furnizimi me ujë.
