Pas pushimeve të festave të fundvitit, grupi i djemve të Elite Youth Development Academy i janë rikthyer programit të zakonshëm të trajnimit në “Shtëpinë e Futbollit”.

37 futbollistët e rinj zhvilluan seancën e radhës stërvitore nën kujdesin e stafit teknik, ndërkohë që paralelisht vazhdojnë studimet në shkollë dhe jetesën e përbashkët në hotel.

Grupmosha U14 zhvilloi një ndeshje miqësore me ekipin e Dyrrah City Football Academy, e cila shërbeu për të testuar formën fizike të ekipit pas pushimeve.

Projekti “Elite Youth Academy” ka nisur në shtator të vitin 2024 dhe do të vijojë me përgatitjet e brezit të ardhshëm të futbollistëve shqiptarë që mund të jenë pjesë e ekipeve Kombëtare.