Liverpooli mund të arrijë rekordin e Arsenalit madhështor që kaloi sezonin pa humbje, sipas Unai Emeryt.

Ekipi i Jurgen Klopp është në vendin e parë, me gjashtë pikë më shumë se vendi i dytë në tabelë. Liverpooli nuk ka fituar titull për 30 vjet, por me kampionët e Cityt që po vuajnë, gjasat për titullin e parë që nga viti 1989 duken reale.

Ekipi i Unai Emeryt udhëton të shtunën në Anfield për përballjen e radhës me Topçinjtë që tashmë kanë fituar katër ndeshjet e fundit në të gjitha garat.

“Për momentin ata po bëjnë shumë mirë. Ata po bëjnë tepër mirë”. “Ne luajtëm tri vjet më parë me Sevillan ndaj Liverpoolit dhe i mposhtëm”.

“Por, shikoni procesin dhe ky është shembull i mirë për ne. Progresi është i qartë – ata ishin jashtë Ligës së Kampionëve e sot janë shembull për Arsenalin”.

“Ne duhet që të kërkojmë nga vetvetja që të kemi durim. Ata përfundimisht mund ta kalojnë sezonin pa humbje”, u shpreh Emery.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb