Kërcënohet për shkak të detyrës presidenti i FSHF-së Armando Duka.
Në lidhje me ngjarjen Policia e Durrësit ka arrestuar pesë persona dhe proceduar penalisht dy të tjerë.
Gazetari Igli Çelmeta ka siguruar emrat e personave të arrestuar. Bëhet fjalë për shtetasit Redian Haxhi, Petrit Selmani, Brajan Selmani, Santiago Selmani dhe Nazmi Selmani.
Ndërkohë mësohet se Nazmi Selmani është president i kubit Iliria.
Njoftimi:
DURRËS – Kërcënuan me SMS për shkak të detyrës Presidentin e FSHF, Armand Duka, 62-vjeçar, Policia kap dhe vë në pranga 5 shtetas si dhe procedon penalisht dy të tjerë.
Specialistët për hetimin e Krimit në Komisariatin e Policisë Durrës bënë arrestimin në flagrancë të shtetasve:
Redian Loci 30 vjeç, Petrit Selmani 26 vjeç, Brajan Selmani 20 vjeç,Santiago Selmani 22 vjeç, dhe Nazmi Selmani 57 vjeç (President i klubit të futbollit, Iliria), të gjithë banues në Krujë.
Si dhe u proceduan ne gjendje të lirë shtetasit A.S, 24 vjeç dhe A.S, 39 vjeç, të dy banues në Krujë.
Arrestimi dhe procedimi i tyre u bë pasi: Më datë 30.08.2024, rreth orës 21:30, kanë kërcënuar me anë të një mesazhi telefonik për shkak të detyrës shtetasin A.D, 62 vjeç, banues ne Durrës dhe më pas rreth orës 22:30, i kanë shkuar te banesa, me qëllim kërcënimin e tij.
Pas marrjes së njoftimit, shërbimet e Policisë organizuan punën, duke lokalizuar, kapur dhe shoqëruar në Komisariat personat e dyshuar.
Në përfundim të veprimeve të para hetimore u bë arrestimi në flagrancë i pesë shtetasve dhe procedimi në gjendje të lirë i dy të tjerëve.
Materialet i kaluan Prokurorisë Pranë Gjykatës Shkallës Parë të Juridiksionit të Përgjitheshëm Durrës për veprën penale “Kanosja për shkak të detyrës” e kryer në bashkëpunim.
