Asambleja Kombëtare e PS-së do të zgjedhë sot anëtarët e rinj të Kryesisë dhe Sekretariatin, përmes një procesi votimi të 350 anëtarëve të forumit më të lartë politik, dalë nga Kongresi zgjedhor.

Për 10 vende vakante në Kryesinë e PS-së garojnë 14 emra, mes të cilëve përfshihen edhe Vangjel Tavo, kryebashkiaku i Himarës, si dhe ministrat Igli Hasani dhe Pirro Vëngu. Gjithashtu në garë përfshihen edhe deputetët Arben Pëllumbi, Erion Braçe, Eduart Shalsi dhe Toni Gogu. Jashtë Kryesisë socialiste ngel ish-ministri i Jashtëm, Ditmir Bushati i cili në Asamblenë e kaluar, 3 vite më parë në prag të zgjedhjeve parlamentare të 2021, rezultoi më i votuari.

Ndërkohë, kreu i PS ka përjashtuar nga Kryesia Olta Xhaçkën e cila është vënë nën akuzë nga opozita se ka shkelur Kushtetutën pasi bashkëshorti i saj u shpall investitor strategjik nga qeveria. Mandati i saj pritet të dërgohet në Gjykatën Kushtetuese për interpretim në këtë gjykatë lidhur me shqyrtimin e papajtueshmërisë së mandatit të saj.

Gjithashtu, jashtë Kryesisë së PS ngel edhe ish-ministri i Shëndetësisë Ilir Beqaj i arrestuar nga SPAK për skandalin e abuzimeve me fondet e BE.

Ndërsa në listën e zonjave kandidate përfshihen ish-kryetarja e Kuvendit, Lindita Nikolla, ministret Anila Denaj, Albana Koçiu dhe Delina Ibrahimaj.

Kryeministri Edi Rama u shpreh se gjithsecili do të matet sipas detyrës dhe se Kryesia e re do të përbëhet nga të zgjedhurit e drejtpërdrejtë nga Asambleja, Sekretarit ekzekutiv dhe drejtuesit e qarqeve.

Në fjalën e tij, kryeministri propozoi edhe dy nënkryetarë dhe Sekretarin e Asamblesë. Si kandidatë për zv/kryetarë të Asamblesë janë propozuar Ilva Gjuzin dhe Besa Spahon, ndërsa për Sekretar Tonid Bejleri, aktualisht nënkryetar i Bashkisë së Shkodër.

Kandidatët për anëtarë kryesie

Burrat

Arben Pëllumbi

Erjon Braçe

Eduard Shalsi

Igli Hasani

Pirro Vengu

Toni Gogu

Vangjel Tavo

Zonjat

Albana Koçiu

Anila Denaj

Delina Ibrahimaj

Etlilda Gjonaj

Klodiana Spahiu

Lindita Nikolla

Klotilda Bushka

Sekretariati ekzekutiv

Blendi Klosi Sekretar i Përgjithshëm

Damian Gjiknuri Sekretar i Organizmit të Zgjedhjeve

Evis Kushi Sekretare e Gruas

Milva Ikonomi Sekretare për Programin

Romina Kuko Sekretare për Marrëdhëniet Ndërkombëtare

Roi Bashaj Sekretar për Rininë

(BalkanWeb)