Gjykata e Korçës ka vendosur masën e arrestit në burg për 45 vjeçarin Aleks Ago i cili dyshohet se ka ngacmuar seksualisht një 15 vjeçar nga një fshat i Devollit.

Ka qenë vetë i mituri i cili dy ditë më parë së bashku me nënën në praninë e një psikologu ka denoncuar në komisariatin e Devollit 45 vjeçarin, duke thënë se ai e ka prekur në disa pjesë të trupit.

Sipas dëshmisë së 15 vjeçarit ky ka qenë rasti i 3-të i tentativës së Aleks Agos për ta tërhequr pas vetes duke i ofruar lekë.

45 vjeçari u arrestua menjëherë nga policia, ndërkohë ditën e sotme prokuroria kërkoi masën e arrestit me burg, gjë që u pranua nga gjykata e Korçës.

45 vjeçari nga fshati Kuç i bashkisë Devoll është i martuar dhe prind i 3 fëmijëve.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb