Duke iu drejtuar gazetarëve në Parlamentin Evropian, Manfred Weber, udhëheqësi i Partisë Popullore Evropiane të qendrës së djathtë, shpalli fitoren.

Ai ftoi socialdemokratët dhe Renew Europe të bashkohen me një aleancë.

Është një “ditë e mirë” sot për EPP-në, tha ai.

I pyetur pse nuk i përmendi të Gjelbërit, ai tha se pika fillestare është të ftohen socialistët dhe liberalët të punojnë së bashku.

Hapi tjetër do të jetë që kancelari gjerman dhe presidenti francez të konfirmojnë propozimin që Ursula von der Leyen të bëhet sërish presidente e Komisionit Evropian, tha ai.