Presidenti turk Rexhep Tajip Erdogan akuzoi Izraelin se ka sulmuar “paturpësisht” shefin e OKB-së Antonio Guterres duke e shpallur atë ” persona non grata ” sepse nuk e dënoi shpejt breshërinë e raketave balistike të Iranit.
Izraeli “po sfidon paturpësisht Sekretarin e Përgjithshëm të OKB-së Guterres”, tha Erdogan para një auditori në një panair të teknologjisë së mbrojtjes në provincën jugore të Adanas.
Ai shtoi se “196 vende në botë do të qëndrojnë pranë sekretarit të përgjithshëm të OKB-së ” kundër Izraelit.
Marrëdhëniet midis OKB-së dhe Izraelit kanë qenë të vështira që nga sulmi i Hamasit në Izrael më 7 tetor 2023 , i cili shkaktoi luftën në Gaza.
Të mërkurën, Guterres u shpall persona non grata nga ministri i Jashtëm izraelit, Israel Katz, duke e akuzuar atë për dështimin për të dënuar në mënyrë specifike sulmin raketor të Iranit ndaj vendit këtë javë.
Guterres dënoi ashpër sulmin e Iranit në një takim të Këshillit të Sigurimit të OKB-së të mërkurën.
Këshilli i Sigurimit i ofroi të enjten mbështetjen e tij të plotë Guterres.
Pa përmendur Izraelin, pesë anëtarët e përhershëm të këshillit – Britania, Kina, Franca, Rusia dhe Shtetet e Bashkuara – dhe 10 anëtarë jo të përhershëm “theksuan nevojën që të gjitha vendet anëtare të kenë një marrëdhënie produktive dhe efektive me sekretarin e përgjithshëm.”
(A.A/BalkanWeb)
