Udhëheqësi i organizatës së akuzuar nga Ankaraja për komplotin e dështuar të grushtit të shtetit në vitin 2016 në Turqi, Fethullah Gulen, është i rëndësishëm për Turqinë po ashtu si udhëheqësi i ISIS-it, al Bagadi për SHBA-në, deklaroi presidenti turk, Recep Tayip Erdogan.


Erdogan kërkoi edhe njëherë ekstradimin e manjatit dhe klerikut, i cili dikur ishte aleat dhe sot jeton në SHBA, vite pas grushtit të dështuar të shtetit.


”Ai jeton në Shtetet e Bashkuara të Amerikës”, theksoi Erdogan në një fjalim para grupit parlamentar të partisë së tij AKP, rreth një javë para vizitës së planifikuar në Shtëpinë e Bardhë, të cilën Erdogan e vuri në dyshim për shkak të tensionit me Uashingtonin për kurdët dhe njohjen e gjenocidit armen.//ATSH


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb