TURQI


Presidenti turk Rexhep Tajip Erdogan ka bërë sot një deklaratë të “papritur”, duke pranuar humbjen e partisë së tij në Stamboll dhe duke njohur fitoren e Ekrem Imamoglu në Stamboll.


Erdogan duke folur në Ankara në një konferencë sindikale tha se ethet e zgjedhjeve mbaruan, njerëzit janë nëpër shtëpi dhe ata po shijojnë jetën e tyre tashmë.


Kjo deklaratë e Erdoganit ka bërë që të shuhen zërat se presidenti mund të ushtronte presion mbi Kolegjin e Lartë Elektoral për të kthyer situatën në favor partisë të udhëhequr nga kreu i shtetit turk, shkruajnë mediat e huaja.

Sipas të dhënave zyrtare në fund të rinumërimit, kandidati i opozitës Ekrem Imamoglu, kryesonte me 13 729 vota më shumë ndaj ish-kryeministrit Binali Yildirim.

(d.xh/ Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb