Ish-portieri i Gjermanisë, Jens Lehmann, ka zgjedhur Skocinë, si kombëtaren më të dobët deri tani në Europian.
Në intervistën për “Daily Mail”, Lehmann deklaroi se forca e Gjermanisë, nuk mund të shihet nga ndeshja hapëse, e cila sipas tij, ishte si stërvitje.
“Mendoj se Skocia, është kombëtarja më e dobët e turneut. Futbollistët skocezë ishin të turpshëm dhe zhgënjyes në krahasim me tifozët e tyre fantastikë.
Si tifoz i Gjermanisë, jam i zhgënjyer që ata nuk ishin aspak konkurrues. Ndeshja ishte si një stërvitje për ne dhe nuk e shohim aty forcën. Nëse fiton 5-1, të gjithë do të mendojnë se mund të shkosh deri në fund të turneut, por kjo ishte ndeshja e parë konkurruese e Gjermanisë që nga Kupa e Botës 2022.
Hungaria dhe Zvicra do të jenë prova më të vështira, vetëm pas tyre do të mund ta shohim Gjermaninë si një pretendentë për titullin.”, deklaroi Lehmann.