Humbja e fundit kundër Kukësit zhyt gjithnjë e më shumë në krizë Tiranën. Fatmirësisht, Partizani ndali Kastriotin pasi situata mund të ishte dhe me e nderë. Në kushtet kur diferenca me zonën e mbijetesës është vetëm 5 pikë, Tirana duhet të bëjë edhe një herë llogaritë pasi mes Kupës dhe Kampionatit, i gjithë sezoni i ekipit kryeqytetas pritet të vendoset brenda pak ditësh.
Këtë të mërkurë bardheblutë udhëtojnë në transfertën gjirokastrite ku do të luajnë aktin e parë në gjysmëfinalen e Kupës së Shqipërisë. Kupa tashmë është e vetmja rrugë që dërgon Tiranën në Europë, por Europa në kushtet ku rrezikojnë mbijetesën duket një luks. Thuajse gjatë gjithë sezonit, Tirana ka qenë e shpërqendruar në këtë pikë, të luajë për Europën apo të sigurojë mbijetesën, këtë të mërkure është momenti final për të ndarë këtë çështje.
Në fundjavë, Tirana do të vizitojë sërish Gjirokastrën, këtë herën ë ndeshjen e vlefshme për javën e 31-të të Superlgiës. Diferenca ndërmjet Luftëtarit dhe Tiranës është vetëm dy pikë, kjo pritet të jetë një ndeshje e cila mund të thotë shumë për mbijetesën e dy ekipeve. Luftëtari po kalon një moment fantastik. Në 15 ndeshjet e fundit që kur në stolin e tyre është ulur Julian Ahmataj, kanë siguruar 8 fitore, 4 barazime, dhe 3 humbje, aktualisht janë ata ekipi më në formë në Superligë, dukshëm kanë një marsh më shumë se sa Tirana.
Në pritje që të luajnë sfidën direkte kundër Kastriotit që konsiderohet përballja finale për mbijetesën, Tirana duhet të bëjë llogaritë fillimisht më Luftëtarin. Në shtëpinë e bardhebluve as që konceptohet një tjetër sezon në inferiore, nëse kjo do të ndodhte do të ishte fatale për klubin më të titulluar në vend, një situatë e cila ka bërë që si Rrallë herë presidenti Halili të kërcënojë ekipin.
(BalkanWeb)