Europa po përballet me një valë të nxehti, ndërsa temperaturat më të larta janë regjistruar në rajonin e Mesdheut. Meteorologia Geraldine Zollinger nga Meteo News bën të ditur se Spanja, Italia, Greqqia, Franca dhe Kroacia po përballen me valën e të nxehtit me temperatura që arrijnë në 43 gradë celcius.

Spanja
Gadishulli Iberik është një destinacion popullor udhëtimi. “Temperaturat do të jetë midis 30 dhe 40 gradë deri në fund të javës”, tha Zollinger. Shumë diell, veçanërisht në jug. Në Mesdheun verior, moti mund të ftohet pak që në fillim të javës së ardhshme për shkak për shkak të uljes së sistemin të presionit të lartë. Spanja po vuan nga temperaturat e larta që nga fillimi i vitit. Ishte janari më i ngrohtë që nga fillimi i regjistrimeve në vitin 1961. Në disa rajone të vendit, temperaturat u ngjitën në pothuajse 30 gradë Celsius.

Italia
Nxehtë edhe në Itali. Shërbimi shtetëror i motit parashikon kushtet e valëve të të nxehtit, ku temperatut parashikohen deri në 40 gradë, sidomos në rajonin e Lacios, Kalabri dhe Siçili. Për 36 deri në 48 orët e ardhshme, shërbimi paralajmëron gjithashtu temperatura midis 38 dhe 39 gradë në Sardenjë dhe Toskanë.

Greqia
Sistemi i qëndrueshëm i presionit të lartë ndikon gjithashtu në motin mbi Greqi. Shërbimi Meteorologjik Kombëtar Helen (EMY) nuk pret ende ulje të temperaturave. Dielli bie veçanërisht fuqishëm në kontinent. Aktualisht priten deri në 43 gradë, në Athinë rreth 41 gradë. Për shkak se temperaturat lokale pritet të kalojnë 43 gradë, të gjitha objektet arkeologjike do të mbyllen nga ora 17:00 me orën lokale, njoftoi Ministria e Kulturës. Mes të prekurve janë monumentet e Athinës, Akropolit dhe vendi antik i Olimpias.
Mbrojtja civile paralajmëroi për një rrezik të madh zjarri në shumicën e rajoneve të Greqisë qendrore dhe jugore. Zjarri më i vogël mund të kthehet në një zjarr të madh për shkak të thatësisë dhe erërave të forta që po fryjnë aktualisht rreth Detit Egje, tha një zëdhënës i departamentit të zjarrfikësve në televizionin grek.

Në ishuj temperaturat “vetëm” rriten deri në 37 gradë, për shembull në ishujt Jon apo në gadishullin grek të Peloponezit.

Kroacia
Alarmi i kuq në territorin e Kroacisë: Sipas Shërbimit Meteorologjik dhe Hidrologjik Kroat, aktualisht këshillohet kujdes në brendësi të vendit. Edhe këtu temperaturat vendosen në 35 dhe 38 gradë. Shërbimi i motit paralajmëron për valën aktuale të të nxehtit. “Kontinenti po nxehet më shpejt se rajonet bregdetare. Nëse ajri i detit disi më i freskët nuk mund të rrjedhë, kjo do të rrisë temperaturat,” shpjegon meteorologu Zollinger. Rajoni rreth qytetit të Rijekës dhe Splitit janë veçanërisht të prekur.

Franca
Shërbimi i motit Météo-France po paralajmëron gjithashtu për 35 gradë celcius në Rajonet në jug të vendit. Aktualisht këshillohet kujdes, veçanërisht në luginën e poshtme të Rhone dhe Provence.

Nëse nuk doni të përballeni me të gjithë vapën, duhet të shkoni në veri të Evropës, rekomandon Zollinger. “Në Ishujt Britanikë ndonjëherë kemi edhe temperatura nën 20 gradë. Në jug të Skandinavisë do të jetë ngrohtë në ditët në vijim, ndonjëherë edhe verore, por jemi nën 30 gradë.