Një ditë para nisjes së Europianit 2024 një kompeticion ku do të luajë edhe Kombëtarja e Shqipërisë, në mediat e huaja ka bërë jehonë Birra Korça, prodhimi origjinal shqiptar. Një prej personazheve të njohura të rrjeteve sociale, anglezi Gus Hully ka rreshtuar birrat e të gjithë shteteve që marrin pjesë ne Europianin 2024. Birra Korça është mes pijeve prestigjioze europiane e përzgjedhur nga të huajt për cilësinë dhe shijen origjinale.
Gus Hully personazh i njohur si “djali i birrave” në çdo kompeticion përzgjedh birrat me të mira të vendeve që marrin pjesë në garat sportive.
Personazhi anglez është bërë lajm dhe në mediat e rëndësishme si SKY SPORT, në të cilën postohet dhe fotografia e birrave me të mira të vendeve pjesëmarrëse në Euro2024, ku Shqipëria përfaqësohet nga Birra Korça.
“Nëse shikoni me kujdes, janë të gjitha aty. Secila kombëtare, një kanaçe ose një shishe. Të gjitha vendet e Euro 2024 përfaqësohen në këtë piramidë me nga një birrë që tifozi anglez i bëri bashkë për fillimin e Kampionatit Evropian. Ai kishte luajtur tashmë në Kupën e Botës në Katar në vitin 2022, me 32 birra. Tani ai shpreson të bëjë dolli më në fund me Anglinë e tij”, shkruan Sky Sport.
(BalkanWeb)
