TIRANE

Numri dy i qeverisë së bashku me drejtoreshën e tatimeve inspektuan një nga pikat e karburantit në zonën e brrylit në kuadër të planit operacional të prezantuar nga tatimet. Sipas zv kryeministrit Erion Braçe vendosja e kompanive të karburanteve në shenjestrën e administratës tatimore ka ardhur pas një investigimi të kryer nga hetimi tatimor gjatë muajve të fundit, ku u vërejt një evazion i lartë fiskal në këtë sektor.

“25 ditët e shkuara është zhvilluar një kontroll në tregun e karburanteve kryesisht në zonën Elbasan-Tiranë-Durrës dhe ku për fat të keq ne kemi gjetur evazion fiskalë dhe veprimtari kriminale të organizuar. Për këtë arsye struktura e Hetimit Tatimorë kanë kallzuar në prokurorinë e Elbasanit këtë aktivitet kriminal dhe për këtë arsye janë vënë në pranga personat përgjegjës të një kompanie që manipulonte kasat fiskale.”tha Braçe.

Zv.kryeministri kishte një apel për të gjithë subjektet që ushtrojnë aktivitetin në tregun e karburanteve por jo vetëm.

“Të jenë në rregull me ligjin, të mos i bien telefonit të askujt nëse nuk janë në rregull me ligjin. Nuk i hapet telefoni, mund ti hapet telefoni por nuk e ndihmon kerkush deri në momentin që do të kthehet në ligjshmëri.” vijoi më tej Braçe.

Erion Brace bëri me dije se një sasi e konsiderushme karburanti i është bllokuar një kompanie të madhe në vend. Zv kryeministri nuk përmendi emër por tha se do të ketë zero tolerencë.

“Vetëm 8 ditëve të shkuara një prej kompanive më të mëdha të karburanteve  në vend i është bllokuar një sasi e konsiderueshme xhetfyelli që ishte jashtë parametrave të squfurit që përmbante. Kjo histori ka filluar dhe nuk mbaron, do rri lart dhe nuk do lëvizi nga aty ku është.” tha Braçe.

Tatimet janë duke përgatitur një aplikacion të quajtur “Stop informalitetit” që do të do t’i shërbejë jo vetëm qytetarëve por edhe bizneseve të cilët mund të denoncojnë korrupsionin nga ana e administratës.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb