Kandidatja e PD për deputete në qarkun e Tiranës, Mesila Doda i është nënshtruar ditën e djeshme një ndërhyrje kirurgjikale në QSUT.

Përmes një postimi në Facebook ajo falënderoi stafin e mjekëve dhe është shprehur se ata i risollën besimin tek mjekësia publike në Shqipëri.

Megjithatë deklarata e saj ka nisur një sërë reagimesh në rrjetet sociale, duke e “detyruar” kandidaten që të sqarojë deklaratën e saj.

Në një postim të ditës së sotme, zonja Doda u shpreh se nuk i heq asnjë presje asaj që tha për përkushtimin e mjekëve, por se kjo nuk do të thotë që sistemi shëndetësor është perfekt.

“Mendoj qe me mjeket qe kemi dhe me një menaxhim shëndetësor qe përjashton nga vetja abuzimet e vjedhjet niveli i shërbimit do jete ai qe duam e kërkojmë te gjithë.
Thënë me një fjale
Puna e mjekëve tanë është e përkushtuar e superprofesionale, i mbetet politikes drejtuese te ngrihet ne te njëjtin nivel”, shkruan ajo.

Postimi i plotë:
Duke ju falenderuar te gjitheve per urimet tuaja per sherim te shpejte dhe duke pare nje interes te pazakonte e interpretim shpesh te shtremberuar te fjaleve te mia nga disa media, me duhet te bej disa sqarime.
Une pata nje nderhyrje relativisht te lehte qe eshte heqja e temthit dhe po…nuk i heq asnje germe falenderimit tim per punen e perkushtuar te mjekeve qe me kuruan.
Kjo ne asnje rast nuk mbulon e as e ka kete qellim qe te tregoje qe sistemi yne shendetsor eshte perfekt e qe ky sherbim eshte kudo ne sistemin tone spitalor.
Perkundrazi, mendoj qe me mjeket qe kemi dhe me nje menaxhim shendetesor qe perjashton nga vetja abuzimet e vjedhjet niveli i sherbimit do jete ai qe duam e kerkojme te gjithe.
Thene me nje fjale
Puna e mjekve tane eshte e perkushtuar e superprofesionale, i mbetet politikes drejtuese te ngrihet ne te njejtin nivel.
Ju faleminderit!