Në Ditën Ndërkombëtare të të Zhdukurve është njoftuar se mbahet një protestë paqësore në Prishtinë. Protesta organizohet nga Shoqata për Dëme të Luftës “Ngritja e Zërit” dhe mbahet të premten e ardhshme duke filluar nga ora 09:30.


Protestuesit do të marshojnë në këmbë nga sheshi “Zahir Pajaziti” deri tek sheshi “Skënderbeu”, ndërsa do të kërkojnë drejtësi për viktimat e luftës së fundit në Kosovë.


Kreu i shoqatës Jahir Bejta do t’ju drejtohet protestuesve me një fjalë të shkurtër duke elaboruar dështimin e politikës dhe drejtësisë kosovare për të zbardhur të vërtetat e luftës, raportojnë mediat kosovare.


Kjo mbetet ende një plagë e hapur për shumë familje kosovare, të cilat prej vitesh kanë të njëjtën kërkesë dhe ajo është gjetja e të afërmeve të tyre që rezultojnë të zhdukur.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: