Ukrainë
Një djalë i vogël, që për pak ditë mbushte 1 vjeç ka ndërruar jetë, pasi ra në një kovë, e cila kishte ujë të nxehtë. Mjekët në Ukrainë punuan pa fund që të shpëtojnë djalin e vogël, mirëpo nuk ia dolën dot dhe ai nuk jetoi dot. Kova me ujë të nxehtë ishte lënë në një cep shtëpie nga nëna e vogëlushes.
Djali ishte djegur prej ujit të nxehtë në 80 për qind të trupit të tij. Ngjarja ndodhi në fshatin Salhany në rajonin jugor të Ukrainës, Odessa Oblast. Identiteti i djaloshit është Daniil Chernenko. Zemra e tij ndaloi së rrahuri, pas një gjendjeje krize për 11 ditë. Tetyana Chernenko ishte me djalin e saj kur ai ndërroi jetë dhe shprehet se nuk do ia falë dot vetes atë që ndodhi, shkruan media prestigjoze britanike “Daily Mail”.
Tetyana Chernenko tha se kishte përgatitur kovën me ujë të nxehtë, pasi do të bënte dush. Ishte vetë ajo që e dërgoi djalin në spital pas ngjarjes së kobshme, por pavarësisht ndërhyrjes së menjëhershme, vogëlushi nuk jeton më.
(d.xh/ BalkanWeb)