Që në orët e para të mëngjesit, e përkatësisht në orën 07:00, besimtarët fierakë kanë falur Namazin në xhaminë e qytetit, ndërsa krerët myslimanë të myftinisë kanë përcjellë urimet për paqe dhe harmoni mes njerëzve.

Fëmijë, të rinj e të moshuar i janë drejtuar xhamisë, duke bërë faljen e mëngjesit, teksa iu lutën Zotit për më shumë paqe dhe harmoni.

Falja e Kurban Bajramit u bë nga Myftiu i Xhamisë së Fierit, Valdrin Mera.

“Kjo e sotmja është një ditë e shënuar për besimtarët myslimanë, si një ditë solidariteti me më të varfrit dhe të pamundurit”, tha ai ndër të tjera.

(BalkanWeb)