Presidenti i Partisë së Lirisë Ilir Meta përmes rrjeteve sociale i ka uruar 80-vjetorin e lindjes kryetarit të Partisë Demokratike, Sali Berisha.

Në një postim në Facebook, ai shkruan se padrejtësisht kryedemokrati feston ditëlindjen i izoluar politikisht.

Postimi:
GËZUAR 80-VJETORIN E LINDJES PROF. DR. SALI BERISHA! ????✌️

Me rastin e ditëlindjes, i përcolla sot gjatë një bisede telefonike urimet më të ngrohta dhe të përzemërta liderit historik të Partisë Demokratike! Edhe 100 vite të reja me shëndet të plotë dhe lumturi!

Në respekt të qindra mijëra simpatizantëve të tij po ndaj edhe këtë urim publik për Doktor Berishën, i cili padrejtësisht e feston sot këtë përvjetor i izoluar politikisht nga armiqtë e lirisë, demokracisë, pluralizimit politik dhe dinjitetit njerëzor, nga armiqtë e shtetit të Kosovës dhe interesave kombëtare.